ការបាត់បង់កើតមានឡើងគ្រប់ដំណាក់កាលទាំងអស់ក្នុងប្រតិបត្តិការប្រមូលផល ហើយ អាចឡើង
ដល់ ២០% ឬក៏ខ្ពស់ជាងនេះក៏មានដែរ ។  ដើម្បីកាត់បន្ថយការបាត់បង់ឱ្យនៅកម្រិត អប្បបរមា ត្រូវ
ជ្រើសរើសកិច្ចប្រតិបត្តិឱ្យបានសមស្របហើយអនុវត្តវាឱ្យបានត្រឹមត្រូវ ។

គេប៉ាន់ប្រមាណថាកណ្តុរប្រែងបំផ្លាញផលិតផលគ្រាប់ធញ្ញជាតិនៅលើពិភពលោកអស់ជាង ១%និង
ពី ៣-៥ %នៅក្នុងប្រទេសកំពុងអភិវឌ្ឍន៍។ពួកវាអាចចម្លងជំងឺប្រហែលជា៥០ ប្រភេទទៅលើមនុស្ស
កណ្តុរប្រែងស៊ីអាហារប្រហែលជា ២៥ក្រាមហើយកណ្តុរតូចៗ  ប្រហែលជា ៣-៤ក្រាមក្នុងមួយថ្ងៃ
ពួកវាធ្វើឱ្យប្រឡាក់ផលិតផលដែលរក្សាទុកជាច្រើនដោយសារទឹកនោម  លាមក រោម និងភ្នាក់ងារ
បង្ករោគផ្សេងៗទៀត ។

ការទុកដាក់គ្រាប់ធញ្ញជាតិតាមលក្ខណៈគ្រួសារ មានវិធីទុកដាក់៣យ៉ាងសំខាន់ៗគឺការទុកដាក់ដោយ
ប្រពន្ធ័ចំហ ពាក់កណ្តាលចំហ និងបិទជិត ។ប្រពន្ធ័ទុកដាក់ចំហភាគច្រើនគេប្រើសម្រាប់ទុកដាក់ផលិ
តផលដែលមានកម្រិតសំណើមមិនទាន់សមស្រប(មិនទាន់ស្ងួតល្អ) ។រីឯប្រពន្ធ័ទុកដាក់ពាក់កណ្តាល
ចំហភាគច្រើនគេប្រើសម្រាប់ទុកដាក់ផលិផលមិនទាន់បោកបែន ឬប្រឡេះ។ ប្រព័ន្ធទុកដាក់បិទ ជិត
គេច្រើនប្រើសម្រាប់ទុកដាក់គ្រាប់ធញ្ញជាតិសំរាប់ធ្វើពូជដាំដុះ។

អង្កាមគឺជាកាកសំណល់ដែលសល់ពីការកិនស្រូវ វាមានតម្លៃថោក ។ដូច្នេះបើយើងប្រើអង្កាមសម្រាប់
ចង្ក្រានម៉ាស៊ីនសម្ងួត នោះតម្លៃនៃការសម្ងួតស្រូវមានតម្លៃថោក  ។ ការប្រើម៉ាស៊ីនដុតអង្កាម សម្រាប់
សម្ងួតស្រូវនេះ សមស្របបំផុតសម្រាប់ប្រជាកសិករដែលធ្វើស្រែដើមរដូវ ព្រោះនៅពេលនោះពុំមាន
កម្តៅថ្ងៃ ឬទីកន្លែងសម្រាប់ហាលសម្ងួតស្រូវឡើយ  ជាហេតុធ្វើឲ្យស្រូវដុះ គុណភាពអង្ករថយចុះជា
ដើម ។

អង្កាមគឺជាកាកសំណល់ដែលសល់ពីការកិនស្រូវ វាមានតម្លៃថោក ។ ដូច្នេះបើយើងប្រើអង្កាមសម្រាប់
ចង្ក្រានម៉ាស៊ីនសម្ងួត នោះតម្លៃនៃការសម្ងួតស្រូវមានតម្លៃថោក ។ ការប្រើម៉ាស៊ីនដុតអង្កាម សម្រាប់
សម្ងួតស្រូវនេះ សមស្របបំផុតសម្រាប់ប្រជាកសិករដែលធ្វើស្រែដើមរដូវ ព្រោះនៅពេលនោះពុំមាន
កម្តៅថ្ងៃ ឬទីកន្លែងសម្រាប់ហាលសម្ងួតស្រូវឡើយ  ជាហេតុធ្វើឲ្យស្រូវដុះ គុណភាពអង្ករថយចុះជា
ដើម ។

ការថែទាំ ការរៀបចំ ការកែតម្រូវ ឬបញ្ជាម៉ាស៊ីនបោកមិនត្រឹមត្រូវ អាចបណ្តាលឲ្យការបាត់ បង់គ្រាប់
ស្រូវ និងការចំណាយប្រេងឥន្ធនៈកើនឡើង ព្រមទាំងបណ្តាលឲ្យប៉ះពាល់ដល់សុខភាព អ្នកកាន់ម៉ា
ស៊ីនទៀតផង ។

មានវិធីសាស្ត្រ២យ៉ាងសម្រាប់ហាលសម្ងួតស្រូវ  គឺហាលសម្ងួតដោយពន្លឺព្រះអាទិត្យ   និងដោយឡ
សម្ងួត ។ ការហាលសម្ងួតដោយពន្លឺព្រះអាទិត្យមិនចំណាយថវិកាទេ តែត្រូវការពេលវេលា និងកម្លាំង
ពលកម្មច្រើន រីឯការសម្ងួតដោយឡសម្ងួតខ្នាតតូច អាចចំណាយថវិកាខ្លះ តែវាជួយឲ្យកសិករសម្ងួត
ស្រូវ បាន ជាពិសេសនៅពេលដែលគ្មានពន្លឺថ្ងៃហាលបន្ទាប់ពីច្រូតកាត់រួច។

ការច្រូតកាត់ស្រូវមិនចំពេលវេលា(ទុំជ្រុល ទុំស្ទើរ) ធ្វើឲ្យយើងបាត់បង់ទិន្នផល និងបាត់បង់ គុណភាព
អង្ករ។ ដូច្នេះដើម្បីកុំឲ្យបាត់បង់គុណភាពអង្ករ ឬទិន្នផលត្រូវកំណត់សភាពគ្រាប់ទុំជាក់ស្តែងគឺជាការ
ចាំបាច់សម្រាប់ធ្វើការច្រូតកាត់។

ការប្រមូលផលស្រូវចំពេលវេលាល្អ ធ្វើឲ្យយើងទទួលបានទិន្នផលស្រូវច្រើន ព្រោះវាមិនបាត់បង់ទិន្ន
ផលនៅពេលច្រូតកាត់ និងបោកបែន ។ យើងចាប់ផ្តើមច្រូតកាត់ស្រូវនៅពេលពិនិត្យមើលកួរស្រូវទុំ
ពី៨០ទៅ៨៥ភាគរយ ឬពេលគ្រាប់ស្រូវនៅពាក់កណ្តាលកួរមានពណ៌លឿងទុំចាស់ ពាក់កណ្តាលកួរ
មានពណ៌លឿងទុំស្រាល ។

លក្ខណៈរូបសាស្ត្រនៃដំណាំស្រូវ គឺជាមូលដ្ឋានដើមក្នុងការស្វែងយល់ពីដំណាំស្រូវ។ ការយល់ដឹង ពីលក្ខណៈរូបសាស្ត្ររបស់ដំណាំស្រូវមានសារសំខាន់ណាស់ ក្នុងការងារជ្រើសរើសពូជ ការបង្កាត់ ពូជ និងការងារគ្រប់គ្រងដំណាំស្រូវ ដើម្បីបង្កើនទិន្នផល ។ ជាទូទៅ ដើមស្រូវត្រូវបានបែងចែកជា ប្ញស ដើម ស្លឹក កួរ និងគ្រាប់ ។