សេចក្តីសង្ខេបនៃគម្រោង
គម្រោងការងារសូចនាករនៃវិទ្យាសាស្ត្រនិងបច្ចេកវិទ្យាកសិកម្ម (ASTI) នៅអាស៊ីអាគ្នេយ៍និងប៉ាស៊ីហ្វិកសម្របសម្រួលដោយសមាគមនៃស្ថាប័នស្រាវជ្រាវកសិកម្មអាស៊ីប៉ាស៊ីហ្វិក (APAARI) និងវិទ្យាស្ថានស្រាវជ្រាវគោលនយោបាយស្បៀងអន្តរជាតិ (IFPRI) ផ្តល់អំណាចដល់ដៃគូក្នុងតំបន់ដើម្បីប្រមូលទិន្នន័យស្តីពីការផ្តល់មូលនិធិសមត្ថភាពធនធានមនុស្ស និងលទ្ធផលនៃការស្រាវជ្រាវកសិកម្មនៅក្នុងបណ្តាប្រទេសនៅអាស៊ីអាគ្នេយ៍និងប៉ាស៊ីហ្វិក។ គម្រោង ASTI នេះត្រូវបានឧបត្ថម្ភថវិកាដោយមជ្ឈមណ្ឌលអូស្ត្រាលីសម្រាប់ការស្រាវជ្រាវកសិកម្មអន្តរជាតិ (ACIAR) ហើយគាំទ្រ ដល់ការផលិតការវិភាគ មធ្យោបាយពង្រឹងសមត្ថភាព និងផលិតផលផ្សព្វផ្សាយដើម្បីជួយសម្រួលដល់គោលនយោបាយសម្រាប់ការស្រាវជ្រាវកសិកម្មប្រកបដោយសមត្ថភាព និងប្រសិទ្ធភាព។
ភស្ដុតាងបង្ហាញថាការវិនិយោគរយៈពេលវែងក្នុងការស្រាវជ្រាវកសិកម្មធ្វើឲ្យបច្ចេកវិទ្យា និងពូជដំណាំកសិកម្មមានភាពប្រសើរឡើងដែលនាំឲ្យមានការបង្កើនផលិតភាព អាហារូបត្ថម្ភប្រសើរ ប្រាក់ចំណូលកាន់តែខ្ពស់ហើយទីបំផុតធានាបាននូវសន្តិសុខស្បៀងកាន់តែប្រសើរឡើង។ ទោះយ៉ាងណា ការស្រាវជ្រាវកសិកម្មទាមទារការប្តេជ្ញាចិត្ត រយៈពេលវែងនៃការផ្តល់មូលនិធិគ្រប់គ្រាន់និងប្រកបដោយនិរន្តរភាព បុគ្គលិកស្រាវជ្រាវសមស្រប និងហេដ្ឋារចនាសម្ព័ន្ធស្ថាប័នដែលមានការថែរក្សាបានល្អ។
ទិន្នន័យនិងការវិភាគរបស់ ASTI អាចជួយបង្ហាញអំពីភាពត្រឹមត្រូវនិងគាំទ្រដល់កិច្ចខិតខំប្រឹងប្រែងទាំងនេះ។ ការកំណត់អាទិភាព និងការធ្វើសេចក្តីសម្រេចចិត្តរបស់ ASTI ដើរតួជាធនធានសម្រាប់អ្នកគ្រប់គ្រងការស្រាវជ្រាវ អ្នកធ្វើគោលនយោបាយ អ្នកផ្តល់ជំនួយ និងអ្នកដទៃទៀតដែលមានចំណាប់អារម្មណ៍ក្នុងការបង្កើនផលិតភាព និងសុខុមាលភាពសេដ្ឋកិច្ចតាមរយៈធ្វើឲ្យមានភាពប្រសើរឡើងនូវវិស័យកសិកម្ម។ សម្រាប់លទ្ធផលលម្អិតនៃការងាររបស់គម្រោងនេះ សូមចុចលើតំណរភ្ជាប់ .......
